بورڈ آف ڈائریکٹرز

سینٹرل ڈپازیٹری کمپنی آف پاکستان لمیٹڈ (سی ڈی سی) پاکستان میں واحد ڈپازیٹری ہے

بدیع الدین اکبر

چیف ایگزیکٹیو آفیسر

بدیع الدین اکبر

جناب بدیع الدین اکبر، مالیات اور آپریشنز کے شعبوں میں سینئر مینجمنٹ کے 18 سالہ متنوع تجربے کے حامل ہیں۔ آپ پاکستان کے مختلف نامور اور بڑے کاروباری گروپس اور کارپوریشنزجیسے کہ دیوان مشتاق گروپ، اورین گروپ اور نیشنل کلیئرنگ کمپنی آف پاکستان لمیٹڈ میں چیف فنانشل آفیسر، کمپنی سیکریٹری اور چیف آپریٹنگ آفیسرکی حیثیت سے ذمہ داریاں نبھا چکے ہیں۔

ماضی میں آپ نے 1998 سے 2001 تک، CDC کے لیگل اینڈ کمپلائنس اور آپریشنز کے شعبوں میں اپنی خدمات انجام دیں اور جون 2015 میں بطور چیف کمپلائنس اینڈ رسک آفیسرCDCمیں دوبارہ شمولیت اختیار کی۔ درمیانی عرصے میں، آپ نے ٹورنٹو میں معروف پیکیجنگ گروپASG شوروُڈ پیکیجنگ انٹرنیشنل پیپرز میں بطور سینئر فنا نشیل انالسٹ خدمات انجام دیں۔

جناب اکبر صاحب، پاکستان کیپیٹل مارکیٹ میں فنانشل مینجمنٹ، کلیئرنگ اینڈ سیٹلمنٹ، رسک مینجمنٹ، آپریشنز، پروڈکٹ ڈویلپمنٹ اور پروجیکٹ مینجمنٹ کے شعبوں میں وسیع تجربے اور مہارت کا مظاہرہ کرچکے ہیں۔ NCCPL میں بطور چیف آپریٹنگ آفیسر، آپ نے مختلف پراڈکٹس اور سروسز جیسے کہ کیپٹل گین ٹیکس کے نظام کی تشکیلِ نو، یونیک آئیڈینٹی فکیشن نمبر(انفرادی شناختی نمبر)(UIN)، اداروں کا رسک مینجمنٹ سسٹم، مارجن ٹریڈنگ سسٹم، مارجن فنانسنگ سسٹم، سیکورٹیز لینڈنگ اور بوروئنگ ، یو آئی این انفارمیشن سسٹم (UIS) اور دیگر بے شمار پراڈکٹس اور سروسز کے نفاذ کے ذریعے مرکزی کردار ادا کیا۔ آپ وقتاً فوقتاً سیکورٹیز اینڈ ایکسچینج کمیشن آف پاکستان اور ملک کے اسٹاک ایکسچینجز کی جانب سے تشکیل کردہ متعدد کمیٹیوں میں بھی خدمات انجام دے چکے ہیں۔

جناب اکبر صاحب، مشترکہ معائنے کی ضوابط2015, (Joint Inspection Regulations) کے تحت سیکورٹیز اینڈ ایکسچینج کمیشن آف پاکستان کی جانب سے تشکیل کردہ نگران/جائزہ (oversight) کمیٹی کے نامزد چیئرمین بھی ہیں۔ آپ نے کیپیٹل مارکیٹ آپریشنز کے شعبے میں، یو ایس سیکورٹیز اینڈ ایکسچینج کمیشن اور بمبئی اسٹاک ایکسچینج، بھارت سے تربیت بھی حاصل کی ہے۔ اس کے علاوہ آپ برطانیہ، یورپ اور مشرقِ بعید کے ممالک میں رسک مینجمنٹ، کلیئرنگ اینڈ سیٹلمنٹ اور کیپٹل مارکیٹ آپریشنز کی نگرانی کے حوالے سے منعقدہ متعدد سیمینارز اور اجلاسوں میں بھی شریک ہوچکے ہیں۔

جناب اکبر صاحب انسٹی ٹیوٹ آف کوسٹ اینڈ مینجمنٹ اکاؤنٹینٹس آف پاکستان (FCMA) کے باہمی رکن ہیں اور چارٹرڈ انسٹی ٹیوٹ آف مینجمنٹ اکاؤنٹینٹس (CIMA-UK) سے CGMA-ACMA (چارٹرڈ گلوبل مینجمنٹ اکاؤنٹینٹ) کی اعلیٰ تعلیم کے حامل ہیں۔ آپ کراچی یونیورسٹی سے کامرس میں بیچلرز ڈگری بھی رکھتے ہیں۔