بورڈ آف ڈائریکٹرز

سینٹرل ڈپازیٹری کمپنی آف پاکستان لمیٹڈ (سی ڈی سی) پاکستان میں واحد ڈپازیٹری ہے

معین ایم فُدا

چیئرمین اور انڈیپنڈنٹ ڈائریکٹر

معین ایم فُدا

جناب معین ایم فُدا پیشہ ورانہ خدمات انجام دینے کا 40سال سے زائد تجربہ رکھتے ہیں جو کہ کارپوریٹ سیکٹر کے لیے خدمات کے ساتھ متعدد سفارتی فرائض کا منفرد ملاپ ہے۔جناب فُدا نیو یارک کی سینٹ جونز یونیورسٹی سے ایم بی اے (انشورنس اینڈ رسک مینجمنٹ ) کے سند یافتہ ہیں۔

کراچی اسٹاک ایکسچینج (موجودہ پاکستان اسٹاک ایکسچینج)میں بطور منیجنگ ڈائریکٹر،سابقہ تعیناتی کے دوران ، آپ فیڈریشن آف یورپین اینڈ ایشین اسٹاک ایکسچینجز(FEAS) کی کارپوریٹ گورننس ٹاسک فورس کے چیئرمین منتخب ہوئے تھے۔ آپ نے پاکستان انسٹی ٹیوٹ آف کارپوریٹ گورننس (PICG)کے قیام میں بھی تعاون کیا۔ آپ سال2010سے انٹر نیشنل فنانس کارپوریشن(IFC) کے سند یافتہ کارپوریٹ گورننس ٹرینر ہیں اور فیکلٹی رکن ہونے کے ساتھ ساتھ PICGکے بورڈ میں بھی خدمات انجام دے چکے ہیں۔ آپ نے خاندانی ملکیتی کاروبار کے لیے کارپوریٹ گورننس گائیڈ اور پبلک سیکٹر انٹر پرائزز کے لیے کارپوریٹ گورننس قواعد کی تیاری میں گراں قدر امور انجام دئیے ہیں۔

آپ پاکستان اسٹاک ایکسچینج اور سینٹرل ڈپازٹری کمپنی (CDC) کے بورڈز میں بطور انڈیپنڈنٹ ڈائریکٹر ہونے کے ساتھ ساتھ حال ہی میں CDC کے بورڈ کے چیئرمین بھی منتخب ہوئے ہیں۔ اس کے علاوہ، آپ پاک سوزوکی موٹر کمپنی اور المیزان انویسٹمنٹ مینجمنٹ کے بورڈز میں بھی بطور انڈیپنڈنٹ ڈائریکٹر اور SCOR، ایک گلوبل Tier 1ری انشورر میں بطور کنٹری ری پریزنٹیٹو(country representative) خدمات انجام دیتے ہیں۔ آپ بین الاقوامی روابط کے لیے کراچی کونسل کے بورڈ آف ڈائریکٹرز کے رکن اور انگلش اسپیکنگ یونین آف پاکستان کی ایگزیکٹو کمیٹی کے رکن بھی ہیں۔ اس کے علاوہ، آپ سال2003سے فیڈرل بورڈ آف ریونیو کی آلٹر نیٹ ڈسپیوٹ ریزولوشن کمیٹیز (ADRC)کے چیئرمین/رکن بھی ہیں۔

کراچی اسٹاک ایکسچینج کے ساتھ منسلک ہونے سے قبل، آپ نیوزی لینڈ انشورنس اینڈ کمرشل یونین (سابقہ CU موجودہAVIVA )کے کنٹری چیف اور CU لائف (موجودہ جوبلی لائف)کے بانی منیجنگ ڈائریکٹر بھی تھے۔آپ سال1990سے پاکستان کے لیے نیوزی لینڈ کے اعزازی قونصل جنرل کے فرائض انجام دے رہے ہیں اوراس کے واحد نمائندے کی حیثیت سے ،آپ کی ذمہ داریوں میں سفارتی تعلقات،تجارت، تعلیم اور ویزوں کی سہولیات شامل ہیں۔ آپ اس سے قبل بہت سے اہم عہدوں بشمول امریکن چیمبر سے الحاق شدہ سینٹر فار انٹر نیشنل پرائیوٹ انٹر پرائز کے کنٹری ڈائریکٹر، اسلام آباد اسٹاک ایکسچینج کے چیئرمین،اوور سیز انویسٹر ز چیمبر آف کامرس اینڈ انڈسٹری اور مینجمنٹ ایسو سی ایشن آف پاکستان کے صدر بھی رہے ہیں۔آپ سرمایہ کاری اور نج کاری کمیشن ، پاکستان انسٹی ٹیوٹ آف مینجمنٹ اور فیڈریشن آف پاکستان چیمبر آف کامرس اینڈ انڈسٹری اور نیشنل سینٹر فار ڈسپیوٹ ریزولوشن کے بورڈز میں بھی شامل رہے ہیں۔

جناب فُدا کو سال2006میں صدرِ پاکستان کی جانب سے ستارۂ امتیاز سے نوازا گیا۔سال2002میں نیوزی لینڈ آرڈر آف میرٹ (ONZM)کے لیے بطور اعزازی آفیسر قرار پائے اور1990 میں آپ کو نیو زی لینڈ کی ملکہ کی جانب سے NZ Commemoration Medal سے نوازا گیا۔