بورڈ آف ڈائریکٹرز

پاکستان لمیٹڈ (سی ڈی سی) کی سینٹرل ڈیپازٹری کمپنی پاکستان میں واحد ڈیپوزیٹری ہے

آفتاب احمد دیوان

چیف ایگزیکیٹیو آفیسر

آفتاب احمد دیوان

جناب آفتاب احمد دیوان سال1999میں سی ڈی سی سے منسلک ہوئے اور اس وقت آپ بطور چیف ایگزیکٹو آفیسر خدمات انجام دے رہے ہیں۔ آپ اس سے قبل سال2004 تا6 201تک بطور چیف آپریٹنگ آفیسر اور سال1999تا2004تک ہیڈ آف آپریشنز رہے ہیں۔

آپ کسٹوڈیل سروسز میں پیشہ ورانہ خدمات کا وسیع تجربہ رکھتے ہیں۔ آپ نے اپنی پیشہ ورانہ زندگی کا آغاز 1981میں سٹی بینک سے کیا۔ بینک میں اپنی طویل مدت ملازمت کے دوران متعدد آپریشنل اور کاروباری شعبوں میں کام کیا جن میں کچھ بیرونِ ممالک پروجیکٹس بھی شامل ہیں۔ آپ نے سٹی بینک رومانیہ میں بطور سیکیورٹیز بزنس منیجر بھی کام کیا جہاں آپ کاروباری اور آپریشنل سرگرمیاں انجام دیتے تھے اس کے علاوہ آپ سٹی بینک برطانیہ میں سیکیورٹیز سے متعلق کیش ایکسیپشن پروجیکٹ کی ٹیم کا حصہ بھی رہے ہیں۔

آپ کئی بین الاقوامی فورمز پر سی ڈی سی اور پاکستان کیپیٹل مارکیٹ کی نمائندگی کر چکے ہیں۔ آپ آئندہ تین سال کی مدت کے لیے ایشیاء پیسفک سینٹرل سیکیورٹیز ڈپازیٹریز گروپ (اے سی جی)کی ایگزیکٹو کمیٹی کے وائس چیئرمین کی حیثیت سے خدمات انجام دیں گے۔ بطور وائس چیئرمین اے سی جی ایگزیکٹو کمیٹی آپ ورلڈ فورم آف سی ایس ڈیز (WFC) کے ایگزیکٹو بورڈمیں ایشیاء پیسفک کے خطے کی نمائندگی بھی کریں گے۔WFC پانچ علاقائی سی ایس ڈی ایسو سی ایشنز کی عالمی تنظیم ہے۔مزید برآں آپ سی ڈی سی کی نمائندگی دیگر انٹر نیشنل فورمز جیسے ایسو سی ایشن آف نیشنل نمبرنگ ایجنسیز (ANNA)اور انٹر نیشنل سیکیورٹیز سروسز ایسو سی ایشن (ISSA) میں بھی کرتے ہیں۔

جناب دیوان صاحب نے پاکستان کی کیپیٹل مارکیٹ کو سپورٹ فراہم کرنے والے متعدد پروجیکٹس کی تخلیق، ڈیزائن اور نفاذ کے سلسلے میں اہم کردار ادا کیا ہے جس میں نیشنل کلیئرنگ اینڈ سیٹلمنٹ سروسز پروجیکٹ بھی شامل ہے۔ آپ انسٹی ٹیوٹ آف فنانشیل مارکیٹس آف پاکستان (سابقہ انسٹی ٹیوٹ آف کیپیٹل مارکیٹس)اور آئی ٹی مائنڈز لمیٹڈ (سی ڈی سی پاکستان کی کُل ملکیتی ذیلی ادارہ )کے بورڈ میں بطور ڈائریکٹر بھی خدمات انجام دے رہے ہیں۔